Gaye Dino Ka. TaYpEd By *SHANI_M_B* Gaye Dino Ka Surag Le Kar Kidhar Aya Kidhar Gaya Wo. Ajeeb Manus Ajnabi Tha Mujhe To Hairan Kar Gaya Wo. Bas Ek Moti Si Chab Dekha Kar Bas Ik Meethi Si Dhun Suna Kar. Sitara E Sham Ban Kar Aya Barang E Khawab Sehar Gaya Wo. Khushi Ki Rut Ho Ya Gham Ka Mousam Nazar Use Dhundti Hai Har Dam. Wo Bo E Ghul Tha K Naghma E Jaan Mere To Dil Main Utar Gaya Wo. Na Ab Wo Yaadon Ka Charhta Dariya Na Fursaton Ki Udas Barkha. Yunhi Zara Si Kasak Hai Dil Main Jo Zakham Gehra Tha Bhar Gaya Wo. Kuch Ab Sambhalne Lagi Hai Jaan Bhi Badal Chala Daur E Asman Bhi. Jo Rat Bhari Thi Tal Gai Hai Jo Din Khara Tha Guzar Gaya Wo. Shikasta Pa Raah Main Khara Hon Gaye Dino Ko Bula Raha Hon. Jo Qafila Mera Humsafar Tha Misal E Gard E Safar Gaya Wo. Mera To Khoon Ho Gaya Hai Pani Sitamgaron Ki Palak Na Bheegi. Jo Naala Utha Raat Dil Se Na Jane Kun Be Asar Gaya Wo. Wo Hijr Ki Raat Ka Sitara Wo Humnafas Humsukhan Hamara. Sada Rahe Uska Naam Pyara Suna Hai Kal Raat Mar Gaya Wo. Wo Jis K Shane Pe Haath Rakh Kar Safar Kia Tu Ne Manzilon Ka. Teri Gali Se Na Jane Kun Aaj Sar Jhukaye Guzar Gaya Wo. Wo Raat Ka Be Nawa Musafir Wo Tera Shayar Wo Tera NASIR. Teri Gali Tak To Hum Ne Dekha Tha Phir Na Jane Kidhar Gaya Wo. Poet. Nasir Kazmi. END**S Follow *SHANI_M