Bin Jurm-O-Khata Khud Ko Koi Aisi Saza Dena.

TaYpEd By

TLASH25

Bin Jurm-O-Khata Khud Ko Koi Aisi Saza Dena.

Buht Mushkil Hai Meri Jan Tumhen Bilkul Bhula Dena.

Mere Mola Agar Tune Dobara Zindagi Bakhsi.

To Bs Itni Guzarish Hai Mujhe Pathar Bana Dena.

Me Zehni Tor Par Khud Ko Zara Tayar Kr Longi.

Bichar Jane Se Kuch Pehle Mujhe Hamdam Bata Dena.

Tumhari Ye Shararat Aj Tk Maqsh Hai Dharkan Pr.

Dabe Paon Chale Aana Mera Jhumka Hila Dena.

Phir Iske Bad Jis K Pas B Tum Jao Ijazat Hai.

Mujhe Ek Bar Apne Nam Ki Mehndi Laga Dena.

Faqt Itna Kaha Tha Na Mujhe Kuch Roshni Dena.

Tumhen Kisne Ye Bola Tha Meri Basti Jala Dena.

Jise Barish K Pani Me Baha Kr Muskurate The.

Mujhe Kaghaz Ki Wo Kashti Zara Phir Se Bana Dena.

Umar Bhar Phir Tumhara Rasta Takne Se Acha Hai.

Ke Tum Jane Se Kuch Pehle Meri Ankhen Bujha Dena.

Tumhen Is Bar Khat Mein Faqt Ye Bat Likhni Hai.

K Sawan Lot Aaya Hai Mujhe Jhoola Jhula Dena!