So SO Bar Chaman Mahka Sau 100 Bar Bahaar Aayi.

So So Bar

TaYpEd By 
TLASH25

Sao 100 Bar Chaman Mahka Sau 100 Bar Bahaar Aayi.
=
Dunia Ki Wahi Ronaq Dil Ki Wahi Tanhai.
=
Ek Lehaz Bahe Ansu Ek Lehaz Hansi Aayi.
=
Seekhe Hain Naye Dil Ne Andaz E Shakeebayi.
=
Ye Rat Ki Khamoshi Ye Alam E Tanhai.
=
Phir Dard Utha Dil Mein Phir Yad Teri Aayi.
=
Har Dard E Muhbat Se Uljha Hai Ghum E Hasti.
=
Kiya Kiya Humein Yad Aaya Jab Yad Teri Aayi.
=
Dekhe Hain Buhat Hum Ne Hangame Muhbat K.
=
Aagaz Bhi Ruswayi Anjaam Bhi Ruswayi.
=
Dunia Hi Faqat Meri Haalat Pe Nahin Chonki.
=
Kuch Teri Bhi Ankhon Mein Halki Si Chamak Aayi.
=
Aoron Ki Muhbat K Duhraye Hain Afsane.
=
Bat Apni Muhbat Ki Honton Pe Nahin Aayi.
=
Ankhon Ne Samete Hain Nazron Mein Tere Jalwe.
=
Phir Bhi Dil E Muztar Ne Taskeen Nahin Payi.
=
Ye Bazm E Muhbat Hai Is Bazm E Muhbat Mein.
=
Dewane Bhi Shedayi Farzane Bhi Shedayi...!
=
Poet By

Sufi Ghulam Mustafa Tabasum.