Koi Or Sahara Na Mile

 اس سے پہلے کہ تجھے اور سہارا نہ ملے

میں تیرے ساتھ ہوں جب تک میرے جیسا نہ ملے

کم سے کم بدلے میں جنت اسے دے دی جائے

جس محبت کے گرفتار کو صحرا نہ ملے

مجھ کو اک رنگ عطا کر تاکہ پہچان رھے

کل کلاں یہ نہ ہو تجھ کو میرا چہرہ نہ ملے

لوگ کہتے ہیں کہ ہم لوگ برے آدمی ہیں

لوگ بھی ایسے جنہوں نے ہمیں دیکھا؛ نہ ملے

بس یہی کہ کے اسے میں نے خدا کو سونپا

اتفاقاً کہیں مل جائے تو روتا نہ ملے

تم دعا کرتے رہو میرا سفر اچھا رہے

کوئ مل جائے مگر عقل کا اندھا نہ ملے

مجھ کو دیکھا تو مجھے ایسے لپٹ کر روئ

جیسے اک ماں کو کوئ گمشدہ بچہ نہ ملے

بددعا ہے کہ وہاں آئیں جہاں بیٹھتے تھے

اور  #افکار وہاں آپ کو بیٹھا نہ ملے 

                                                  #مرشد_افکار_علوی